გორდონ–ლევიტი კომისარ გორდონთან მომუშავე პოლიციელის ჯონ ბლეიკის როლს შეასრულებს, ხოლო კოტიარი Wayne Enterprises–ის დირექტორთა საბჭოს წევრს, მირანდა ტეიტს ითამაშებს. მიუხედავად იმისა, რომ ცოტა ხნის წინ ცნობილი გახდა, რომ ჯოშ პენსი ახალგარდა რა'ს ალ გულს განასახიერებს, როგორც ჩანს ფილმში ტალიას ადგილი აღარ დარჩა ან "ბეტმენი: დასაწყისის" მსგავსად მარიონი ისევე თამაშობს მირანდა ტეიტს, როგორც ლაიამ ნისონმა ითამაშა ჰენრი დუკარდი (ფილმის გამოსვლამდე არავინ იცოდა, რომ დუკარდი ნამდვილი რა'ს ალ გული იყო). ნოლანმა მსახიობებთან დაკავშირებით შემდეგი კომენტარი გააკეთა:
"როდესაც შენ თანამშრომლობ ისეთ ნიჭიერ ხალხთან, როგორებიც მარიონი და ჯო არიან, მაშინ გასაკვირი არ უნდა იყოს, რომ ამის გამეორება გინდა. მირანდასა და ბლეიკის როლზე თავიდანვე ისინი წარმომედგინა და მოუთმენლად ველი მათთან კიდერ ერთხელ მუშაობას.""ბნელი რაინდი: აღზევებაში" მონაწილეობენ კრისტიან ბეილი, მაიკლ კეინი, გარი ოლდმენი, მორგან ფრიმენი, ტომ ჰარდი, ენ ჰეთეუეი და უკვე მარიონ კოტიარი და ჯოზეფ გორდონ–ლევიტი. ნოლანი ფილმს გადაიღებს ძმასთან ერთად დაწერილი სცენარის მიხედვით, რომელიც თავისმხრივ ეფუძნება კრისტოფერ ნოლანისა და დევიდ ს. გოიერის მიერ შექმნილ სიუჟეტს. ნოლანი ასევე ფილმის პროდიუსერიცაა დიდი ხნის პარტნიორებთან ემა თომასსა და ჩარლზ როვენთან ერთად. "ბნელი რაინდი: აღზევება" კინოთეატრებში 2012 წლის 20 ივლისს გამოვა.
0 კომენტარი:
Post a Comment