კომიქსების გმირებს შორის სუპერმენი ალბათ ერთ–ერთი ყველაზე პოპულარულია, არა მარტო ამერიკაში არამედ მთელი მსოფლიოს მასშტაბით. რა თქმა უნდა ეს განპირობებულია იმითაც, რომ 80–იანი წლებიდან დღემდე სუპერმენზე რამოდენიმე ფილმი გადაიღეს და ამ პერსონაჟს საკმაოდ კარგად იცნობენ სხვადასხვა თაობის ადამიანები. ამჟამად ზაკ სნაიდერი (300, Watchmen) მუშაობს DC-ის ამ კომიქსის კიდევ ერთ ეკრანიზაციაზე – "ფოლადის ადამიანზე". ცოტა ხნის წინ Warner Brothers-მა და Legendary Pictures-მა გამოაქვეყნეს სუპერმენის პირველი ოფიციალური სურათი, რომელიც მთავარი როლის შემსრულებლის ჰენრი კავილის შეფასების შესაძლებლობას იძლევა.
ამას გარდა ინტერნეტში დაიდო ფოტოები, რომელზეც აღბეჭდილია კავილი გადასაღებ მოედანზე. ყველაზე შთამეჭდავია ის, რომ სუპერმენის ახალი კოსტუმი გაცილებით დახვეწილია ვიდრე წინა ფილმების. კომიქსის საკულტო წითელ მოსასხამიანი ღია ლურჯი ფორმა ჩაანაცვლა უფრო სერიოზულმა, მუქმა ლურჯმა კოსტუმმა მეწამული მოსასხამით და არანაირი სასაცილო წითელ–ყვითელი დეტალებით. შესაბამისად ახალი ჩაცმულობა უფრო მიმზიდველია და ამავდროულად უნდა აღინიშნოს, რომ მისი ფაქტურაც ძალიან განსხვავდება წინამორბედი კოსტუმების ქსოვილებისგან და ნაკლებად უსვამს ხაზს მსახიობის სხეულს. შესაძლებელია კავილის დაკუნთული სხეული კოსტუმის დამსახურებაც კი იყოს. (იხილეთ კავილი
"უკვდავების" ტრეილერში)
საინტერესოა სუპერმენის პირველი ბრიტანელი მსახიობი იქნება თუ არა ამერიკელ წინამორბედებზე კრისტოფერ რივზე, ბრენდონ რუთზე ან თუნდაც "Smallville"-ის ტომ ველინგზე უკეთესი?
როგორც 2006 წლის "სუპერმენის დაბრუნება", რომელიც განსაკუთრებული სიუჟეტით სულაც არ გამოირჩეოდა, ისე "ფოლადის ადამიანი" საკმაოდ უბრალო ისტორიას მიუყვება. თუმცა სნაიდერის ფილმი გამორჩეულია იმით, რომ მთავარი უაროფითი გმირი არა ლექს ლუტორი, არამედ ზოდია. ასევე უნდა ითქვას, რომ ზაკ სნაიდერს კარგად ეხერხება კომიქსების ეკრანიზაციის შექმნა, თან იმასაც თუ გავითვალისწინებთ, რომ პროდიუსერი კრისტოფერ ნოლანია, ფილმს ნამდვილად აქვს შანსი, რომ კომიქსზე გადაღებული ღირსეული ფილმი იყოს. ასევე საკმაოდ თვალისმომჭრელია სამსახიობო გუნდი: ჰენრი კავილის გარდა ფილმში მონაწილეობენ ოსკარზე ნომინირებული მსახიობები
მაიკლ შენონი, რომელიც ზოდს განასახიერებს,
ემი ადამსი ლუის ლეინს, ლოურენს ფიშბერნი პერი უაითს და
დაიან ლეინი კლარკ კენტის დედობილს – მარტა კენტს, ხოლო სუპერმენის მამობილს ჯონათან კენტს და მამას ჯორ–ელს შესაბამისად ოსკაროსანი მსახიობები
კევინ კოსტნერი და რუსელ კროუ ითამაშებენ. სუპერმენის ბიოლოგიურ დედას ლარა ლორ–ვანის როლში ჯულია ორმონდი და ფილმის კიდევ ერთი უარყოფითი გმირის ფაორას როლში ანჯე ტრაუი მოგვევლინებიან.
0 კომენტარი:
Post a Comment