ანიმაციურ სერიალში მოთხრობილი ისტორია მოგვითხრობს "ტრონსა" და "ტრონი: მემკვიდრეობის" შორის მომხდარ მოვლენებზე. მთავარი პერსონაჟი იქნება ბეკი, ახალგაზრდა პროგრამა, რომელიც გახდება ვირტულალურ სამყაროში მიმდინარე რევოლუციის ლიდერი. მისი მიზანია გაათავისუფლოს იქაურობა კლუ 2-სა და მისი მარჯვენა ხელის გენერალი ტესლერის მმართველობისგან. სიუჟეტის მიხედვით ბეკს გაწვრთნის კომპიუტერული სამყაროს უძლიერესი მეომარი ტრონი (სანამ ის რინზლერი გახდებოდა). ტრონი არამარტო შეასწავლის მას საბრძოლო ხელოვნებას, არამედ იქნება მისი მასწავლებელი და დამრიგებელი იმ პერიოდში, როდესაც ახალგაზრდა პროგრამა ძლევამოსილ ლიდერად გადაიქცევა. სისტემის მმართველობისთვის ბრძოლაში ის დაუპირისპირდება ტესლერსა და მის ძალებს. მოსალოდნელია, მულტსერიალში კევინ ფლინის გამოჩენაც.
ბეკს გაახმოვანებს ელაია ვუდი, ტესლერს - ლანს ჰენრიკსენი, კიდევ ერთ პროგრამას, პეიჯს - ემანუელ შრიქი, ტრონს კი ბრიუს ბოქსლაიტნერი, რომელმაც ანალოგიური როლი განასახიერა ორივე ტრონში.
0 კომენტარი:
Post a Comment