"ახალი წლის საღამო" - "ვალენტინობის დღის" გაგრძელება უფრო მეტი მსახიობით

სიყვარულის თემა ყოველთვის აქტუალურია, განსაკუთრებით თანამედროვე ჰოლივუდურ კომედიებში, სადაც მთელ სცენარს მსუბუქ და მარტივ ურთიერთობებზე აგებენ. 2010 წლის თებერვალში ვალენტინობის დღისთვის მიძღვნილი ამავე სახელწოდების ფილმი გამოვიდა, რომლის რეჟისორიც გარი მარშალი ("ლამაზმანი", "პრინცესას დღიურები") იყო და მასში უამრავი ცნობილი სახე გამოჩნდა. ახლა იგივე რეჟისორი ფილმის თემატურ გაგრძელებას შემოგვთავაზებს.

მხოლოდ ორი მსახიობია, რომელიც ორივე ფილმში - "ახალი წლის საღამო" და "ვალენტინობის დღე" - იღებენ მონაწილეობას, თუმცა ეს ორი, ჯესიკა ბილი და ეშტონ ქათჩერი, სულაც არ განასახიერებენ ერთსა და იმავე გმირებს, ამიტომ ფილმები ერთმანეთთან პირდაპირ კავშირში სულაც არ არიან. რაც შეეხება სამსახიობო გუნდს, ის მართლაც უამრავი ადამიანისგან შედგება და მათი უდიდესი ნაწილი ძალიან ცნობილი სახეა, როგორც რომანტიკული კომედიების, ისე სხვა ჟანრებში. ფილმში მონაწილეობენ: ეშტონ ქათჩერი, ჯესიკა ბილი, რობერტ დე ნირო, ზაკ ეფრონი, კარლა გუჯინო, კეტრინ ჰეილი, ჰილარი სვონკი, სარა ჯესიკა პარკერი, სოფია ვერგერა, ჯოშ დუჰამელი, ჰოლი ბერი, მიშელ ფაიფერი, აბიგაილ ბრესლინი, სიენა მილერი, ტილ შვეიგერი და ბევრი სხვა. ფილმში მცირე როლებით გამოჩნდებიან ასევე კალათბურთელები შაკილი ო'ნილი და ამარე სტაუდმაიერი.




რა თქმა უნდა, 14 თებერვალთან შედარებით ახალი წელი ნაკლებად რომანტიკულ დღედ ითვლება, ამის მიუხედავად ახალ ფილმში შეიძლება ათეულობით სასიყვარულო ისტორია განვითარდეს. ის ძალიან ჰგავს 2003 წლის ბრიტანულ ფილმს - ნამდვილი სიყვარული (Love Actually), უბრალოდ აქ მეტი გმირი და მეტი წყვილი იქნება და მოქმედებაც ამერიკაში დიდ და სიცოცხლით სავსე ქალაქში, ნიუ-იორკში განვითარდება.

რაც შეეხება წინასწარ პროგნოზებს, შემოსავლის მხრივ ფილმს ნამდვილად არ უნდა გაუჭირდეს, სავსებით მოსალოდნელია გაცილებით მეტი თანხა მოიტანოს ვიდრე "ვალენტინობის დღემ". ფილმი ჩვეულებრივი რომანტიკული კომედია იქნება ამ ჯანრის მოყვარულებზე გათვლილი, ალბათ საკმაოდ გადატვირთული, ცუდად გადანაწილებული ისტორიებით. გარი მარშალს უკვე ორი დეკადაა განსაკუთრებული არაფერი შეუქმნია და რა თქმა უნდა, ამ ფილმით ის ბოლო წლების ჩვეულ მოღვაწეობას განაგრძობს.

"ახალი წლის საღამო" 2011 წლის ბოლოს, 9 დეკემბერს გამოჩნდება კინოგაქირავებაში.

Read More

"ბორნის მემკვიდრეობა" ძველ მსახიობებს იბრუნებს

ბორნის ტრილოგიას კიდევ ერთი გაგრძელება ექნება, თუმცა მისი რეჟისორი არც პოლ გრენგრასი იქნება და რაც მთავარია, არც მეტ დეიმონი ან სხვა ვინმე არ მოგვევლინება ჯეისონ ბორნის როლში. ახალ ფილმში, რომელსაც "ბორნის მემკვიდრეობა"ეწოდება, მთავარი გმირი ისევ აგენტი იქნება, რომელიც იმავე პროგრამით მოამზადეს, რითიც ჯეისონ ბორნი. საკმაოდ ბევრი კანდიდატიდან ამ როლისთვის ჯერემი რენერი შეარჩიეს. აქამდე გაგრძელების ტრილოგიასთან დამაკავშირებელი მთავარი რგოლი მთელი ტილოგიის სცენარისტი ტონი გილროი იყო, რომელმაც მეოთხე სერიის რეჟისორის სტატუსი მოირგო. Variety-ის ცნობით, სამსახიობო გუნდს შეიძლება დაუბრუნდნენ ოსკარზე რამდენჯერმე ნომინირებული მსახიობები ჯოან ალენი და ალბერტ ფინი. ალენი CIA-ის ერთერთი განყოფილების დირექტორ პამელა ლენდის თამაშობს ტრილოგიის ბოლო ორ ფილმში, ხოლო ფინი დოქტორ ალბერტ ჰირშს, რომელიც ბოლო სერიაში გამოჩნდა როგორც საიდუმლო საწვრთნელი პროგრამის "ტრედსტოუნის" ერთერთი შემქმნელი. ფილმში ჯერემი რენერის გარდა უკვე მონაწილეობენ ედვარდ ნორტონი მთავარი უარყოფითი გმირის, რეიჩელ უაიზი აგენტის, ხოლო ოსკარ ისააკსი ერთერთი მკვლელის როლში. ფილმი კინოთეატრებში 2012 წლის 3 აგვისტოს გამოდის.

ჯოან ალენი როგორც პამელა ლენდი

Read More

მარველის "შურისმაძიებელთა" სურათები [განახლებული]

სან დიეგოს კომიკ-კონის პარალელურად მარველ სტუდიომ დაიწყო "შურისმაძიებლების" (The Avengers) მხარდამჭერი კამპანია. პირველი ვიდეომასალა ფილმიდან მიბმული იყო "კაპიტანი ამერიკა: პირველი შურისმაძიებელზე". ახლა კი მარველმა გამოაქვეყნა ფილმის პერსონაჟთა პოსტერები, მათ შორისაა კაპიტანი ამერიკა, რკინის კაცი, თორი, ქორისთვალი, შავი ქვრივი, ჰალკი და S.H.I.E.L.D (ნიკ ფიური და აგენტები). პოსტერები ერთ დიდ ბანერში ერთიანდება.

კაპიტანი ამერიკა

რკინის კაცი

თორი

S. H. I. E. L. D.

ქორისთვალი

შავი ქვრივი

ჰალკი

Read More

პიტერ ჯექსონის კიდევ ორი ვიდეო ბლოგი "ჰობიტის" გადაღებებიდან

ჰობიტის რეჟისორი პიტერ ჯექსონი განაგრძობს ფილმის გადაღებების შესახებ ვიდეო ბლოგების გამოქვეყნებას. პირველი ვიდეოდღიური მან აპრილში დადო თავის ფეისბუქზე, მიმდინარე თვეში კი კიდევ ორი ახალი ვიდეო გამოაქვეყნა, რომლებშიც უკვე უშუალოდ ასახულია გადაღებების პირველი ბლოკი და ძირითადად ფოკუსირებულია ჯუჯებზე. ვიდეოები ძალიან სახალისოა. როგორც ჩანს რეჟისორი დიდ ყურადღებას უთმობს სოციალური ქსელებით პიარ–აქციის წარმოებას, პასუხობს მაყურებელთა კითხვებს და თან ჩვენთვის უცნობ და საკმაოდ საინტერესო, გადასაღები პროცესისათვის თვალის შევლების საშუალებას გვაძლევს. მართალია ფილმის გამოსვლამდე დიდი დრო დარჩა, თუმცა ის უკვე ყურადღების ცენტრშია და მოლოდინიც საკმაოდ გამძაფრებულია.
პარალელურად ჯექსონმა გამოაქვეყნა ჯუჯების სურათები, რომელიც ჩვენც შემოგთავაზეთ. ისევე როგორც პირველი, ეს ვიდეოებიც საკმაოდ საინტერესო და სახალისოა. "ჰობიტის" გადაღებების მეორე ბლოკი სექტემბერში დაიწყება. სურათი კი ორ ნაწილად 2012 და 2013 წელს გამოვა კინოთეატრებში.

ვიდეოდღიური #2



ვიდეოდღიური #3



განძის მაძიებელ ცამეტ გნომს განასახიერებენ რიჩარდ ერმიტეჯი (თორინი), გრეემ მაკტევიში (დვალინი), კენ სტოტი (ბალინი), ეიდენ ტერნერი (კილი), რობ კაზინსკი (ფილი), მარკ ჰედლოუ (დორი), ჯედ ბროფი (ნორი), ადამ ბრაუნი (ორი), ჯონ კალენი (ოინი), პიტერ ჰემბლეტონი (გლოინი), უილიამ კირშერი (ბიფური), ჯეიმს ნესბიტი (ბოფური), სტივენ ჰანტერი (ბომბური), ხოლო მთავარ გმირს ბილბო ბეგინს ითამაშებს ბრიტანელი მსახიობი მარტინ ფრიმენი. მათთან ერთად ბეჭდების მბრძანებლის მსახიობებიდან პრიკველში დაბრუნდებიან ელაია ვუდი (ფროდო ბეგინსი), იან მაკკელენი (გენდალფი), ანდი სერკისი (გოლუმი), ქეით ბლანშეტი (გალადრიელი), კრისტოფერ ლი (სარუმანი), იან ჰოლმი (ის ითამაშებს მოხუც ბილბოს), ორლანდო ბლუმი (ლეგოლასი) და ჰუგო ვივინგი (ელრონდი).

Read More

13 ჯუჯა პიტერ ჯექსონის "ჰობიტიდან"

ამ თვეში რეჟისორმა პიტერ ჯექსონმა ეტაპობრივად გამოაქვეყნა "ჰობიტის" 13 ჯუჯის სურათები. როგორც ჩანს მან გადაწტვიტა არ მიებაძა წიგნისა და აქამდე გამოსული ანიმაციური ფილმისთვის და ერთმანეთისგან რადიკალურად განსხვავებული ტიპაჟები წარმოადგინა მათი სახით. სურათებს გარკვეული აზრთა სხვადასხვაობაც მოჰყვა, რადგან ბევრმა მაყურებელმა აღნიშნა, რომ ზოგიერთი მათგანი არც თუ ისე ჩამოჰგავდა გარეგნულად გნომებს. 12-იდან 18 ივლისის ჩათვლით სხვადასხვა ვებგვერდმა გამოაჩვეყნა ნორის, ორის, დორის, ოინის, გლოინის, ფილის, კილის, ბომბურის, ბიფურის, ბოფურის, ბალინის, დვალინის და ბოლოს მათი მეთაური თორინ მუხისფარის სურათები.

ნორი, ორი და დორი 

ეს სამი ძმა, ერთი და იმავე დედის შვილები, შეუძლებელია ყოფილიყვნენ უფრო განსხვავებულები ერთმანეთისგან. უფროსი, დორი, დროის უმეტესობას უმცროსზე, ორიზე მეთვალყურეობას უთმობს იმაში დასაწყმუნებლად, რომ არ გაციებულა ან გობლინებს და მგლებს არ მოუკლავთ. ზუსტად არავინ იცის თუ რას აკეთებს ნორი ყველაზე ხშირად, მხოლოდ იციან რომ ეს იქნება რაღაც ეშმაკური და სავსებით სავარაუდოა, რომ უკანონო. დორი, ნორი და ორი ერთამენეთის ერთგულები არიან და ამავე დროს ერთმანეთთან ბრძოლით ძალიან ერთობიან, მაგრამ ვაი მას ვინც გადაწყვეტს ერთ–ერთ ძმას რაიმე ავნოს.

ოინი და გლოინი

ეს ორი მამაცი ჩრდილოელი ჯუჯა, თორინ მუხისფარის შორეული ნათესავები, შეუერთდნენ მის კომპანიას ნათესავის ერთგულებისა და ფულის შოვნის მიზნით. ბომბურის გარდა, გლოინი ერთადერთი დაქორწინებული ჯუჯაა ამ ცამეტ გნომს შორის (რაც განპირობებულია ქალი ჯუჯების სიმცირით). მისი ცოლი გამორჩეულია თავისი სილამაზით, განსაკუთრებით თავისი მოხდენილი წვერით. გლოინი ახალგაზრდა გიმლის მამაა, რომელიც შემდგომში ცნობილი ბეჭდის საძმოს წევრი გახდება.

ფილი და კილი

ჯუჯათაგან ყველაზე უმცროსები, ფილი და კილი, დურინის სამეფოს შტოს წარმომადგენლები, მათი ბიძის, თორინ მუხისფარის მეთვალყურეობით იზრდებოდნენ. არცერთ მათგანს არ უმოგზაურია ასე შორს, ჯუჯათა ცნობილი ქალაქი ერებორიც კი არ უნახავთ. მათთვის მარტოსული მთისკენ მოგზაურობა თავგადასავალსა და აღტაცების საგანს წარმოადგენს. გაწვრთნილი მეომრები, ორივე ძმა გამოემგზავრენ ახალგაზრდობის დაუძლეველი სიმამაცით შეიარაღებული, ისე რომ არც უფიქრიათ რა ელოდათ წინ.

ბომბური, ბოფური და ბიფური

თორინ მუხისფარის კომპანიის წევრების უმეტესობისგან განსხვავებით, ბოფური, მისი ძმა ბომბური და მათი ბიძაშვილი ბიფური არ ეკუთვნიან დურინის სამეფო და დიდგვაროვნულ გვარს. დაბადებულნი და გაზრდილნი დასავლეთში, ისინი ნახშირის მემაღაროეების შთამომავლები არიან და მოგზაურ ჯუჯებს სიმდიდრის მოხვეჭისა და უფასო ლუდის გამო შეუერთდნენ.

ბალინი და დვალინი

ჯუჯა დიდებულები, ბალინი და დვალინი თორინის ახლო ნათესავები არიან. ამასთან მისი ყველაზე ერთგული და სანდო მეგობრები. მოხუცი მებრძოლი, ბალინს რთული დრო გადაუტანია და ბევრი ბრძოლაც გადაუხდია, მაგრამ მარტოსული მთის თავგადასავლის სისწორეში მაინც ეჭვი ეპარება.

დვალინს არ აქვს ასეთი წინათგრძნობები, რადგან თორინის მეთაურობის ურყევად სჯერა. ეს ძლიერი მეომარი არ ენდობა არავის ჯუჯების გარდა, განსაკუთრებით ელფებს.

თორინ მუხისფარი 

როდესაც ახალგაზრდა უფლისწული იყო, თორინი შეესწრო დიდი ცეცხლოვანი დრაკონის მიერ ჯუჯათა სამეფოს, ერებორის განადგურებას. თორინის ხალხისგან ბევრის დახოცვის შემდეგ, დრაკონი სმაუგი შევიდა მარტოსულ მთაში და მის მთელ სიმდიდრეს დაეპატრონა. ჯუჯებს არავინ დაეხმარა და მათაც გადახვეწა მოუწიათ. მრავალხნიანი სიძნელეების გადატანის შემდეგ, თორინი ძლიერი და უშიშარი მეომარი და პატივცემული მეთაური გახდა. მას სურდა სამშობლო დაებრუნებინა და გაენადგურებინა ურჩხული, რომელმაც მის ხალხს უბედურება მოუტანა. ასე, რომ როდესაც ბედისწერა ამის შანსს აძლევს, ის შურისძიებისთვის წამოიწყებს თავგადასავალს.

Read More

"საოცარი ადამიანი–ობობა" - ტრეილერი და სურათები

მას შემდეგ რაც 2010 წელს სემ რეიმის "ადამიანი–ობობის ტრილოგიის გაგრძელება შეუძლებებლი გახდა და პროექტის მეოთხე სერიის დაგეგმვამ კრახი განიცადა, სტუდიამ მაშინვე იპოვა გამოსავალი და სასწრაფოდ გადაწყვიტა კომიქსის ახალი ეკრანიზაცია - "საოცარი ადამიანი-ობობა" შეექმნა. მის რეჟისორად მარკ ვები ("ზაფხულის 500 დღე") დანიშნეს.  მთავარ როლზე კი სოციალური ქსელის მსახიობი ენდრიუ გარფილდი დაამტკიცეს. წლის დასაწყისში ინტერნეტში გამოჩნდა ადამიანი ობობას პირველი სურათიც. ახლა უკვე შესაძლებელია ფილმის ტრეილერის ხილვაც.



რაც შეეხება თვითონ ფილმს, ის ერთი შეხედვით ძალიან განსხვავდება სემ რეიმის "ადამიანი-ობობისგან", იმის მიუხედავად, რომ ორივე ფილმის სიუჟეტი ერთიდაიმავე პერიოდს მოიცავს. "ადამიანი-ობობის" პირველ სერიაშიც და "საოცარ ადამიან-ობობაშიც" პიტერ პარკერი სკოლის მოსწავლეა და მისი მუტაციაც ამ დროს იწყება. ამ ორ ფილმს შორის მხოლოდ 10 წლიანი დაშორებაა, ამიტომ როგროც ჩანს რეჟისორი ცდილობს ეს ისტორია სხვაგვარად წარმოაჩინოს, რომ მაყურებელმა ერთმანეთს არ მიამსგავსოს. თუ ადრე ობობას ყველა მოძრაობა კომპიუტერული ეფექტებით იყო შექმნილი, ახლა მეტ ცოცხალ კადრს იღებენ. მთლიანად ფილმი და კონკრეტულად კი გარფილდის გმირი გაცილებით სერიოზულია და საერთო არაფერი აქვს ტობი მაგუაიერის პიტერ პარკერთან. ახალ ეკრანიზაციაში ვერ ვიხილავთ პიტერის საუკეთესო მეგობარ ჰარის და მის მამას ნორმან ოსბორნს, ასევე მერი ჯეინი უოტსონს, ეს კი იმას ნიშნავს, რომ ამ ფილმში არ იქნება კადრები, სადაც ობობას ჰაერში გამოკიდული წითური გოგონას გადარჩენა მოუწევს. გარფილდის გმირის სიყვარულის ობიექტი გვენ სტეისი იქნება. ფილმი გარკვეულ ყურადღებას დაუთმობს პიტერის მშობლებს და მათი საქმიანობის ისტორიას ჩაეძიება. უარყოფით გმირად კი დოქტორი კურტ კონორსი იგივე ხვლიკი მოგვევლინება.

ობობას ახალი კოსტუმის ხილვა სურათებზეა შესაძლებელი. ბოლო ფოტოზე ჩანს, რომ პიტერი ქსელის სარტყოცნად აპარატს იყენებს, რაც ტობის ობობას არ სჭირდებოდა.

"საოცარი ადამიანი-ობობას" სცენარი დაწერეს ჯეიმზ ვენდერბილტმა, სტივ კლოვსმა და ელვინ სერგენტმა. ენდრიუ გარფილდის გარდა ფილმში მონაწილეობენ ემა სტოუნი (გვენ სტეისი), რის იფანსი (დოქტორი კურტ კონორსი), მარტინ შინი (ბენ პარკერი), სელი ფილდი (მეი პარკერი) და დენის ლეარი (კაპიტანი ჯორჯ სტეისი).

ფილმი 2012 წლის 3 ივლისს გამოჩნდება კინოთეატრებში.

Read More

"ჰუგოს" და "ტინტინის თავგადასავალის" ტრეილერები

ოსკაროსანი რეჟისორი, ჰოლივუდის ნამდვილი ლეგენდა მარტინ სკორსეზე კარიერის ახალ ეტაპზე გადადის. ნოემბერში გამოდის მისი ახალი ფილმი "ჰუგო", რომელიც 3D ფორმატშია. საინტერესოა როგორი იქნება "ტაქსის მძღოლის", "ცოფიანი ხარის", "კარგი ბიჭების" და "გამდგომილების" რეჟისორის მიერ გადაღებული საოჯახო სათავგადასავლო ფილმი. სკორსეზე ხომ სრულწლოვანთათვის განკუთნილი ფილმების რეჟისორია, მას კარგად ეხერხება კრიმინალური ისტორიების გადაღება, "ჰუგო" კი, რომელიც თავიდან "ჰუგო კაბრედ" იყო დასათაურებული, ყველა ასაკის მაყურებლისთვისაა განკუთვნილი და პატარა ბიჭის შესახებ მოგვითხრობს. ცოტა ხნის წინ ფილმის პირველი ტრეილერიც დაიდო.



ფილმის ოფიციალური სინოფსისი

"ჰუგო" მოგვითხრობს ობოლი ბიჭის ამბავს, რომელიც პარიზში, მატარებლების სადგურის ტერიტორიაზე ცხოვრობს. ექსცენტრიული გოგონას დახმარებით ის ცდილობს მამის იდუმალი გაუჩინარების და გულისფორმიანი საკეტის ამბავი გამოიკვლიოს. ფილმი დაფუძნებულია ბრაიან სელზნიკის ბესთსელერზე "ჰუგო კაბრეს გამოგონება", ეს მაგიური ისტორია მარტინ სკორსეზეს პირველი 3D ფორმატში გადაღებული ფილმი იქნება.

აღსანიშნავია ფილმში შექმნილი საოცარი, 30-იანი წლების გარემო. ასევე სამსახიობო გუნდი. მასში მონაწილეობენ ასა ბუტერფილდი ("The Boy in the Striped Pajamas"), რომელიც ჰუგოს ასახიერებს, ჯუდ ლოუ ("შერლოკ ჰოლმსი") - მისი მამა, ქლოე მორიტცი ("Kick-Ass") - "ექსცენტრიული" იზაბელი, საშა ბარონ კოენი - სადგურის მცველი და ოსკაროსანი ბენ კინგსლი ("განდი", "შინდლერის სია") - იზაბელის "მამა"

ფილმის პოსტერი 

"ტინტინის თავგადასავალი: მარტორქის საიდუმლო/The Adventures of Tintin: Secret of the Unicorn"

მარტინ სკორსეზეს გარდა კიდევ ერთი ლეგენდარული რეჟისორი, სტივენ სპილბერგი შეეცდება ახალი ტექნოლოგიებით 3D ფორმატის ფილმი შექმნას. "ტინტინის თავგადასავალი" კომიქსის ეკრანიზაცია, რომელიც ახალგაზრდა ბიჭის ისტორიას მოგვთხრობს. ის სპილბერგისთვის პირველი 3D ფილმი იქნება. სკორსეზესგან განსხვავებით სპილბერგი ექსპერტია ამ ჟანრისა და სათავგადასავლო ფილმების გადაღების. ფილმის ბიუჯეტი 135 მილიონი დოლარია და სპილბერგის გარდა მასზე მუშაობენ პიტერ ჯექსონი, როგორც პროდიუსერი და ედგარ ვრაიტი, რომელიც ერთ–ეთრი სცენარისტია.

"ტინტინის თავგადასავალი" არის ბელგიელი მწერლის ჟორჟეს პროსპერ რემის იგივე "ჰერჟეს" მიერ შექმნილი კომიქსი. ტინტინი არის ჟურნალისტი, რომელიც ბევრს მოგზაურობს თავის ოთხფეხა მეგობარ სნოუისთან ერთად და ეძებს უამრავ საოცარ თავგადასავალს.  მწერალმა ამ პერსონაჟზე კომიქსის ოცდასამი წიგნი შექმნა (ერთი დაუმთავრებელი). სპილბერგის ფილმში, ახალგაზრდა ტინტინს მოუწევს წინააღმდეგობა გაუწიოს მის ყველაზე დიდ მტერს წითელ რეკჰამს (Red Rackham). სცენარი დაფუძნებულია ორ ყველაზე საინტერესო კომიქსზე "მარტორქის საიდუმლო" ("The Secret of the Unicorn") და წითელი რეკჰემის საგანძური  ("Red Rackham’s Treasure"). თუ იმასაც გავითვალისწინებთ, რომ მას ედგარ ვრაიტი, სტივენ მოფეტი ("Doctor Who") და ჯო კორნიში ("Attack the Block") წერენ, ფილმი უნდა იყოს დამაინტრიგებელი სათავგადასავლო ისტორიების  და საიდუმლოების ამოხსნის ნარევი, რომელიც გაუმჯოსებული motion-capture-ითაა შექმნილი და უფრო რეალისტურია ვიდრე  რობერტ ზემეკისის ანიმაციური
ფილმები ("პოლარული ექსპრესი", "ბეოვულფი" და "საშობაო ისტორია").

უკვე გამოსულია ფილმის როგორც ტიზერი, ისე საერთაშორისო ტრეილერი:

ფილმში მთავარ როლს ასრულებს ჯეიმი ბელი ("ბილი ელიოტი", "გამოწვევა"), დენიელ კრეიგი ("კაზინო როიალი", "გამოწვევა") და ენდი სერკისი კაპიტანი ჰედოკის როლში, ასევე საიმონი პეგი და ნიკ ფროსტი.

"ტინტინის თავგადასავალი" დიდ ეკრანებზე 23 დეკემბერს გამოჩნდება. ამას გარდა წლის ბოლოს გამოვა სპილბერგის მეორე ფილმიც "საბრძოლო ცხენი". ფილმში მოქმედება პირველი მსოფლიო ომის დროს ვითარდება და ცხენისა და მისი ახალგაზრდა მწვრთნელის მეგობრობის ისტორიას ასახავს. სავსებით მოსალოდნელია, რომ ეს საბრძოლო დრამა სპილბერგს ოსკარისთვის ბრძოლის შანსს მისცემს.

Read More

"შერლოკ ჰოლმსი: აჩრდილთა თამაში" - ტრეილერი და სურათები

ყველასთვის საყვარელი და ექსცენტრიული ინგლისელი გამომძიებლის ისტორია გრძელდება. ახლახანს გავრცელდა გაი რიჩის ახალი ფილმის  "შერლოკ ჰოლმსი: აჩრდილთა თამაში" პოსტერები  და რამოდემინე სურათი. ამას გარდა, როგორც მოსალოდნელი იყო ფილმის პირველი ტრეილერიც გამოჩნდა ინტერნეტ სივრცეში. ტრეილერს თავად რობერტ დაუნი უმცროსი წარადგენს. ტრეილერი პოსტერებთან ერთად საშუალებას იძლევა ფილმის მთავარ უარყოფით გმირს პროფესორ მორიარტს შევავლოთ თვალი, ასევე ბოშა ქალ სიმს, რომელთაც ჯარეტ ჰარისი და ნუმი რაპასი განასახიერებენ. Mad Men–ის მსახიობი და შვედი გოგონა დრაკონის ტატუთი წლის დასაწყისში შეუერთდნენ რობერტ დაუნი უმცროსის ლეგენდარულ გამომძიებელსა და მის ერთგულ მეგობარსა და დამხმარეს ჯუდ ლოუს დოქტორ უოტსონს. ფილმში რეიჩელ მაკადამსის გმირიც გამოჩნდება პატარა როლით.

როგორც ტრეილერიდან ჩანს მეორე ფილმი არ ჩამოუვარდება პორველს არც ექშენით, არც იუმორით და არც მთავარი გმირების სათავგადასავლო ისტორიით. ამჯერად ჰოლმსი და უოტსონი ხანგრძლივ მოგზაურობას შეუდგებიან ინგლისიდან საფრანგეთისა და გერმანიის გავლით შვეიცარიაში პროფესორი მორიარტის კვალდაკვალ.



პროფესორი მორიარტი შერლოკ ჰოლმსის პირველ ფილმშიცაა, თუმცა მისი სახე რეალურად არ ჩანს, რაც ეჭვს ბადებდა, რომ რეჟისორი ვინმე ცნობილ მსახიობს დაამტიცებდა ამ როლზე, თუმცა გაი რიჩიმ ნაკლებად ცნობადი სახე არჩია და ჯარეტ ჰარისი დაამტკიცა.

თუ რეიჩელ მაკადამსის ირენ ადლერი სასაცილო და მოხერხებული ქალი იყო, რომელსაც ჰოლმთან პირადი ურთიერთობები უფრო აკავშირებდა, რაპასის ბოშა სიმი მეტადაა ჩართული ჰოლმის საქმეებში და გამოძიების პროცესში.

რაც შეეხება ფოტოებს, თუ ქორწილის დროს ჰოლმსის და უოტსონის ჭუჭყიანი სახეების გამომეტყველებით ვიმსჯელებთ, ისინი ფორმაში არიან და კვლავ ახარხებენ ცუდ დროს ცუდ ადგილას მოხვედრას და უსიამოვნებებში გახვევას.

2009 წელს შერლოკ ჰოლმსი დაახლოებით მაშინ გამოვიდა კინოეკრანებზე, როცა ყველას ავატარი და 3D ტექნოლოგია აინტერესებდა. ამის მიუხედავად ფილმმა მაინც მოახერხა 524 მილიონი დოლარი შეეგროვებინა. ახლა კი "აჩრდილთა თამაშს" მოუწევს "მისია შეუსრულებლის" მეოთხე სერიას გაუწიოს კონკურენცია. გასაკვირი არ იქნება თუ შერლოკ ჰოლმსის შემოსავალი ამჯერადაც არ გაუცრუებს პროდიუსერებს იმედს.

Read More

"ბნელი რაინდი: აღზევების" პირველი პოსტერი

ტიზერ ტრეილერის გამოსვლამდე რამდენიმე დღით ადრე Warner Bros.-მა გამოაქვეყნა "ბნელი რაინდი: აღზევების" (The Dark Knight Rises) პირველი პოსტერი. პოსტერზე ნაჩვენებია ნახევრად დანგრეული გოთემის თავზე გამოსახული ღამურა. აღსანიშნავია, რომ თვითონ გოთემი ძალიან ჰგავს ლიმბოს დასაწყისიდან (Inception), თითქოს ქვემოდან იყოს გადაღებული იგივე კადრი. ფილმის მსახიობების შესახებ წაიკითხეთ ჩვენი სტატია. "ბნელი რაინდი: აღზევების" პირველი ოფიციალური ტიზერ ტრეილერი ჰარი პოტერის ბოლო სერიის კინოსეანსზე იქნება მიბმული, ორშაბათს კი ალბათ ინტერნეტშიც გამოჩნდება. AlbertaFilmRatings-ის მიხედვით ტრეილერის ხანგრძლივობა 1:26 წუთია.

კრისტოფერ ნოლანის მესამე ბეტმენი გამოვა 2012 წლის 20 ივლისს ჩვეულებრივ და IMAX კინოთეატრებზე. იხილეთ სურათის ოფიციალური ვებგვერდი.

Read More