პირველ რიგში უნდა ავღნიშნო, რომ ფილმის სიუჟეტი არც თუ ისე ზუსტია. მართალია პრინცმა ალბერტმა ლოგს მართლაც 1925 წელს სტადიონზე სიტყვით გამოსვლის შემდეგ მიაკითხა, რომელზეც მას დიდი პრობლემები შეექმნა საუბართან დაკავშირებით, თუმცა სიმართლეს არ შეესაბამება ის ფაქტი, რომ ამის შემდეგ კურსი მიატოვა და 1934 წლამდე ლოგი აღარ უნახავს. სინამდვილეში ჯორჯ VI-ის მდგომარეობის გაუმჯობესება გაცილებით მალე მოხდა და 1927 წელს ის უკვე გამართულად საუბრობდა კანბერაში, ავსტრალიის პარლამენტში გამოსვლისას.
ქვემოთ მოყვანილ ვიდეოში სავარაუდოდ აღბეჭდილია მეფის სიტყვა 1938 წელს გლაზგოში. სიტყვით გამოსვლისას, ჯორჯ მეექვსე მართალია ასე თუ ისე გამართულად საუბრობს, თუმცა დიდ პაუზებს აკეთებს, აშკარაა როგორ "ებრძვის" ზოგიერთ სიტყვას და ყოველ წამს ტექსტში იხედება. ასევე აღსანიშნავია ის ფაქტი, რომ მეფე ხშირ–ხშირად წინ და უკან და ქუსლებზე იწევა, როგორც ეს ფილმის მიხედვით ლოგმა ასწავლა მას.
ასევე აუდიო ჩანაწერი საბოლოო სიტყვისა, რომლითაც მან მიმართა ხალხს ბუკინგემის სასახლიდან 1939 წლის 3 სექტემბერს. ეს ფაქტი ფილმში ზუსტად, სიტყვა–სიტყვითაა გადაღებული.
0 კომენტარი:
Post a Comment